Saturday, March 19, 2016

မိတ္တီလာနေ့ (သို့မဟုတ်) ကမ္ဘာကြီး ငိုကြွေးသောနေ့



မိတ္တီလာနေ့ (သို့မဟုတ်) ကမ္ဘာကြီး ငိုကြွေးသောနေ့

ရေးသားသူ -- ယျာတင်(ရိုဟင်းသား)
RB က​ဗျာ
20.3.2015

အဲ့ဒီနေ့ပေါ့
အပြစ်ကင်းစင်တဲ့ ကျောင်းသားလူငယ်တွေ
အလျှံငြီးငြီး လောင်ကျွမ်းတဲ့ မီးပုံထဲမှာ
မီးစာဖြစ်ခဲ့ရတာ။

အဲ့ဒီနေ့ပေါ့
နေရောင်က မှောင်မိုက်ခဲ့
အမုန်းတရားလေပြင်းတွေ
အရှိန်အဟုန်ပြင်းပြင်း တိုက်ခိုက်ခဲ့တာ။

အဲ့ဒီနေ့ပေါ့
နို့ရည်ပြည့်ရင်အုံနဲ့ မိခင်များက
နို့တိုက်ကျွေးမယ့် သားငယ်လေးကို
လိုက်ရှာခွင့်မရခဲ့တာ။

အဲ့ဒီနေ့ပေါ့
အငြိုးလှိုင်းတွေ ထန်နေတဲ့ကြားမှာ
အားကိုးစရာမဲ့သူများ ဟိုပြေးဒီပြေးနဲ့
လျှာမြေကျ ရွာလည်ခဲ့ရတာ။

အဲ့ဒီနေ့ပေါ့
နုနယ်တဲ့ မိန်မသားလေးများ
ဒူးထောက် အသနားခံလည်း
မညှာမတာ ခြွေမွခံခဲ့ရတာ။

အဲ့ဒီနေ့ပေါ့
လေပြည်တွေတိုက်ခဲ့တဲ့ အရပ်မှာ
အမုန်းမုန်တိုင်းက အငြိုးကြီးစွာ တိုက်ခိုက်လို့
လူသေအလောင်းတွေ ပုံခဲ့တာ။

အဲ့ဒီနေ့ပေါ့
အနှစ်နှစ်အလလ ရင်းပြီးရခဲ့တဲ့
ချွေးစာတွေနဲ့ ဆောက်ခဲ့တဲ့ နားခိုရာ
မျက်စိတစ်မှိတ်အတွင်း ဖြိုဖျက်ခံလိုက်ရတာ။

အဲ့ဒီနေ့ပေါ့
အမေက သားမရှာအား
သားက အမေ မရှာအားခဲ့လို့
သားအမိ ထာဝရအတွက် ဝေးကွာခဲ့ရတာ။

အဲ့ဒီနေ့ပေါ့
အမြင်အာရုံတွေဝေဝါး အသိတရားမဲ့သွား
လူ့စိတ်ကင်းမဲ့တဲ့ ပတ်ဝန်းကျင်ကြောင့်
နှလုံးသားထဲမှာ တစ်ဆစ်ဆစ် နာကျင်ခဲ့တာ။

အဲ့ဒီနေ့ပေါ့
မျက်ရည်ကုန်ခန်းသွား
သွေးရည်တွေပင်လယ်ဖြစ်သွား
သက်ရှိခန္ဓာများ မီးကင်ခံခဲ့ရတာ။

အဲ့ဒီနေ့ပေါ့
အကြမ်းဖက်သမားအချို့ကြောင့်
တန်ဖိုးရှိလှတဲ့ လူ့ဇီဝိန်ပေါင်းများစွာ
ရက်စက်စွာ ဆုံးရှုံးခံခဲ့ရတာ။

အဲ့ဒီနေ့ပေါ့
မတရားမှုတွေအတွက်
ကမ္ဘာကြီး ငိုကြွေးလည်း
လူစုတစ်သိုက် ပြုံးပျော်ကျေနပ်ခဲ့တာ။

အဲ့ဒီနေ့ပေါ့
လူနေတဲ့အရပ်မှာ
လူသားဖြစ်လျက်နဲ့
လူသားမဆန်စွာ ညှဉ်းပန်းချေမှုန်းခံခဲ့ရတာ။

အဲ့ဒီနေ့ပေါ့
...................
......................
.............................................။

••• မိတ္တီလာမှ မွတ်စလင်များ အကြမ်းဖက် ညှဉ်းပန်း ချေမှုန်းခံခဲ့ရသော ၂၀၊၃၊၂၀၁၃ ရက်နေ့ ကို အောက်မေ့၍ ရေးဖွဲ့ပါသည်။

လူလူချင်း နှိပ်စက်မှုမှ ကင်းဝေးပြီး ငြိမ်းချမ်းကြပါစေ။

RB မှ ကူးယူ​ဖော်​ပြပါသည်​။

No comments:

Post a Comment